قصيدة للشاعر / مسلط الزغيبي -رحمه الله-ينصح ولده

هذه قصيدة للشاعر / مسلط الزغيبي -رحمه الله-ينصح ولده
وهو من شعراء حرب القدماء





وراك يابنـي كـن شوفـي يقزيـك معـاد تاخـذ مـن جنابـي وناسـه


وانا مرادي يوم انا اجلس واحاكيـك شوفك ربيع القلب يغـدي عماسـه


من يوم اخذت امك وانا ياابني ارجيك مختار المنسب لاجل طيـب ساسـه


ان كان تسمعني فانـا ودي اوصيـك لابـد مـن يـوم يعزيـك يـاسـه


احذر رفيق لو ضحـك لـك يغويـك يوريك من درب الردى والخساسـه


يمهالـك الدنيـا بهرجـه يمانـيـك وبعيد إلى جـت حاجتـه والتماسـه


والثاني اللي ليـا هرجلـك يماليـك يشرف على غيبك وعنـده سياسـه


جازه مـن المعـذار شـئ يكافيـك خلك معـه شـط عميـق غطاسـه


ورحب بضيفك حين ينـزل محاجيـك وبـاده بفنجـال يطيـر عمـاسـه



واضحك بوجهه حين يبـدا يحاكيـك وارضه ليا كظـم خطـاة الهداسـه


يا طاب خيمـك لـو قلـن مواشيـك طيب الرجل من بين عزمـه وباسـه


واسمع جوابـي لا تحاقـر بناخيـك ترى البناخـي للرجـل عـز راسـه


تـراه مـا والله لـضـدك يخلـيـك لو تزعله ياتيك مـن شـان باسـه


وان كان من بعض الهواجيس طاريك ايـاك وايـا اللـي بعرقـه دناسـه


ليا لاح لـك قصـر بمبنـاه يدعيـك لاتنظـر لمبنـاه ناظـر لسـاسـه