وهنا قصيدته الي رد فيها على قصيدة الشاعر ناصر بن ضيدان

السلام عليكم ورحمة الله وبركاته
احبتي الشاعر مسلط الزغيبي شاعر كبير وعلم من اعلام شعراء الزغيبيات ورفيق درب الشاعر
ناصر بن ضيدان وشاعر جزل ولاكن نبحث عن شعره واتمنى من ابناء عموته تزويدنا بما لديهم
من صائده
وهنا قصيدته الي رد فيها على قصيدة الشاعر ناصر بن ضيدان



يامل لقب ضيق الصدر راعيه=لولاي اعذل به مع المستحيني
عمال مشغول بهمه وطاريه=الا الي صكو به الغانميني
ولا لاح له مرقاب وده يعديه=لا قلت هذا الدرب حطه يميني
ماهوب لاقي له رفق يصافيه=ولا ظنتي با الراي صفيو اثنيني
ياراكب حرزها دل راعيه=مامون قطاع الفيافي هجيني
لولا الرسن صكن ضروسه لواحيه=عقي على كوره عياب يبيني
يشبه الفرخ بين الوح راعيه=لاصف جنحانه عقب حومتيني
يلفي لا بن ضيدان حيث يلفيه=ابو محمد شمعة الغانميني
ابشر بفنجال يشب النظر فيه=امعذب تطرب له الحاضريني
مع كبس مصلاح مع فرقه=


اوصل نصيحه من نصح له وحاميه=عن دقة في مجلس الخايبيني
ليت الردي وسم على وجه راعيه=للي يدق بغيبة الغافليني
فطنتني شي ونا قبل ناسيه=وانت غديت لهم قلبي عويني
كمل جوابك واصرفه يم واليه=اللي سعى بك وانت ماء مهيني
متكفل با العبد من حين ينشيه=لما يرده لاسفل السافليني
والرزق عند مسير العبد مجريه=محيي الفياض الباليه با الغشيني
والدين ماناخذه ندور الشرف فيه=الا نسدد به خلول تبيتي
حنا سبب همه وجمعه وطاريه=لو يجزي المعذار ماكان ديني
الدين وعند حسو الرجل فيه=لاصار للطلاب رب ظميني
رب كريك خير يلتجا فيه=الله مع المديون والمعسريني
والمال عند اللي يحوش الردي فيه=لابه شرف دنيا ولا عز ديني

مسلط الزغيبي